శ్రీ శరవనభవ మంత్రాక్షరషట్కం (Sri Saravanabhava Mantrakshara Shatakam)
శక్తిస్వరూపాయ శరోద్భవాయ శక్రార్చితాయాథ శచీస్తుతాయ |
శమాయ శంభుప్రణవార్థదాయ శకారరూపాయ నమో గుహాయ || 1||
రణన్మణిప్రోజ్జ్వలమేఖలాయ రమాసనాథప్రణవార్థదాయ |
రతీశపూజ్యాయ రవిప్రభాయ రకారరూపాయ నమో గుహాయ || 2||
వరాయ వర్ణాశ్రమరక్షకాయ వరత్రిశూలాభయమండితాయ |
వలారికన్యాసుకృతాలయాయ వకారరూపాయ నమో గుహాయ || 3||
నగేంద్రకన్యేశ్వరతత్త్వదాయ నగాధిరూఢాయ నగార్చితాయ |
నగాసురఘ్నాయ నగాలయాయ నకారరూపాయ నమో గుహాయ || 4||
భవాయ భర్గాయ భవాత్మజాయ భస్మాయమానాద్భుతవిగ్రహాయ |
భక్తేష్టకామప్రదకల్పకాయ భకారరూపాయ నమో గుహాయ || 5||
వల్లీవలారాతిసుతార్చితాయ వరాంగరాగాంచితవిగ్రహాయ |
వల్లీకరాంభోరుహమర్దితాయ వకారరూపాయ నమో గుహాయ || 6||
ఇతి శ్రీ శరవనభవ మంత్రాక్షరషట్కం సంపూర్ణం