Home » Stotras » Sri Shiva Panchakshara Aksharamala Stotram

Sri Shiva Panchakshara Aksharamala Stotram

శ్రీ శివ పంచాక్షర నక్షత్రమాలా స్తోత్రం (Sri Shiva Panchakshara Aksharamala Stotram)

శ్రీమదాత్మనే గుణైకసింధవే నమః శివాయ
ధామలేశధూతకోకబంధవే నమః శివాయ |
నామశోషితానమద్భవాంధవే నమః శివాయ
పామరేతరప్రధానబంధవే నమః శివాయ || ౧ ||
కాలభీతవిప్రబాలపాల తే నమః శివాయ
శూలభిన్నదుష్టదక్షఫాల తే నమః శివాయ |
మూలకారణాయ కాలకాల తే నమః శివాయ
ఫాలయాధునా దయాలవాల తే నమః శివాయ || ౨ ||
ఇష్టవస్తుముఖ్య దానహేతవే నమః శివాయ
దుష్టదైత్యవంశ ధూమకేతవే నమః శివాయ |
సృష్టిరక్షణాయ ధర్మసేతవే నమః శివాయ
అష్టమూర్తయే వృషేంద్రకేతవే నమః శివాయ || ౩ ||
ఆపదద్రిభేదటంకహస్త తే నమః శివాయ
పాపహారిదివ్యసింధుమస్త తే నమః శివాయ |
పాపహారిణే లసన్నమస్తతే నమః శివాయ
శాపదోషఖండనప్రశస్త తే నమః శివాయ || ౪ ||
వ్యోమకేశ దివ్యభవ్యరూప తే నమః శివాయ
హేమమేదినీ ధరేంద్రచాప తే నమః శివాయ |
నామమాత్రదగ్ధసర్వపాప తే నమః శివాయ
కామనైకతానహృద్దురాప తే నమః శివాయ || ౫ ||
బ్రహ్మమస్తకావలీనిబద్ధ తే నమః శివాయ
జిహ్మకేంద్రకుండలప్రసిద్ధ తే నమః శివాయ |
బ్రహ్మణే ప్రణీతవేదపద్ధతే నమః శివాయ
జిహ్మకాలదేహదత్తపద్ధతే నమః శివాయ || ౬ ||
కామనాశనాయ శుద్ధకర్మణే నమః శివాయ
సామగానజాయమానశర్మణే నమః శివాయ |
హేమకాంతిచాకచక్యవర్మణే నమః శివాయ
సామజాసురాంగలబ్ధచర్మణే నమః శివాయ || ౭ ||
జన్మమృత్యుఘోరదుఃఖహారిణే నమః శివాయ
చిన్మయైకరూపదేహధారిణే నమః శివాయ |
మన్మనోరథావపూర్తికారిణే నమః శివాయ
సన్మనోగతాయ కామవైరిణే నమః శివాయ || ౮ ||
యక్షరాజబంధవే దయాళవే నమః శివాయ
దక్షపాణిశోభికాంచనాళవే నమః శివాయ |
పక్షిరాజవాహహృచ్ఛయాళవే నమః శివాయ
అక్షిఫాల వేదపూతతాళవే నమః శివాయ || ౯ ||
దక్షహస్తనిష్ఠజాతవేదసే నమః శివాయ
హ్యక్షరాత్మనే నమద్బిడౌజసే నమః శివాయ |
దీక్షితప్రకాశితాత్మతేజసే నమః శివాయ
ఉక్షరాజవాహ తే సతాం గతే నమః శివాయ || ౧౦ ||
రాజతాచలేంద్రసానువాసినే నమః శివాయ
రాజమాననిత్యమందహాసినే నమః శివాయ |
రాజకోరకావతంసభాసినే నమః శివాయ
రాజరాజమిత్రతాప్రకాశినే నమః శివాయ || ౧౧ ||
దీనమానవాళికామధేనవే నమః శివాయ
సూనబాణదాహకృత్కృశానవే నమః శివాయ |
స్వానురాగభక్తరత్నసానవే నమః శివాయ
దానవాంధకారచండభానవే నమః శివాయ || ౧౨ ||
సర్వమంగళాకుచాగ్రశాయినే నమః శివాయ
సర్వదేవతాగణాతిశాయినే నమః శివాయ |
పూర్వదేవనాశసంవిధాయినే నమః శివాయ
సర్వమన్మనోజభంగదాయినే నమః శివాయ || ౧౩ ||
స్తోకభక్తితోzపి భక్తపోషిణే నమః శివాయ
మాకరందసారవర్షిభాషిణే నమః శివాయ |
ఏకబిల్వదానతోzపి తోషిణే నమః శివాయ
నైకజన్మపాపజాలశోషిణే నమః శివాయ || ౧౪ ||
సర్వజీవరక్షణైకశీలినే నమః శివాయ
పార్వతీప్రియాయ భక్తపాలినే నమః శివాయ |
దుర్విదగ్ధదైత్యసైన్యదారిణే నమః శివాయ
శర్వరీశధారిణే కపాలినే నమః శివాయ || ౧౫ ||
పాహి మాముమామనోజ్ఞ దేహ తే నమః శివాయ
దేహి మే వరం సితాద్రిగేహ తే నమః శివాయ |
మోహితర్షికామినీసమూహ తే నమః శివాయ
స్వేహితప్రసన్న కామదోహ తే నమః శివాయ || ౧౬ ||
మంగళప్రదాయ గోతురంగ తే నమః శివాయ
గంగయా తరంగితోత్తమాంగ తే నమః శివాయ |
సంగరప్రవృత్తవైరిభంగ తే నమః శివాయ
అంగజారయే కరేకురంగ తే నమః శివాయ || ౧౭ ||
ఈహితక్షణప్రదానహేతవే నమః శివాయ
ఆహితాగ్నిపాలకోక్షకేతవే నమః శివాయ |
దేహకాంతిధూతరౌప్యధాతవే నమః శివాయ
గేహదుఃఖపుంజధూమకేతవే నమః శివాయ || ౧౮ ||
త్ర్యక్ష దీనసత్కృపాకటాక్ష తే నమః శివాయ
దక్షసప్తతంతునాశదక్ష తే నమః శివాయ |
ఋక్షరాజభానుపావకాక్ష తే నమః శివాయ
రక్ష మాం ప్రపన్నమాత్రరక్ష తే నమః శివాయ || ౧౯ ||
న్యంకుపాణయే శివంకరాయ తే నమః శివాయ
సంకటాబ్ధితీర్ణకింకరాయ తే నమః శివాయ |
పంకభీషితాభయంకరాయ తే నమః శివాయ
పంకజాననాయ శంకరాయ తే నమః శివాయ || ౨౦ ||
కర్మపాశనాశ నీలకంఠ తే నమః శివాయ
శర్మదాయ నర్యభస్మకంఠ తే నమః శివాయ |
నిర్మమర్షిసేవితోపకంఠ తే నమః శివాయ
కుర్మహే నతీర్నమద్వికుంఠ తే నమః శివాయ || ౨౧ ||
విష్టపాధిపాయ నమ్రవిష్ణవే నమః శివాయ
శిష్టవిప్రహృద్గుహాచరిష్ణవే నమః శివాయ |
ఇష్టవస్తునిత్యతుష్టజిష్ణవే నమః శివాయ
కష్టనాశనాయ లోకజిష్ణవే నమః శివాయ || ౨౨ ||
అప్రమేయదివ్యసుప్రభావ తే నమః శివాయ
సత్ప్రపన్నరక్షణస్వభావ తే నమః శివాయ |
స్వప్రకాశ నిస్తులానుభావ తే నమః శివాయ
విప్రడింభదర్శితార్ద్రభావ తే నమః శివాయ || ౨౩ ||
సేవకాయ మే మృడ ప్రసీద తే నమః శివాయ
భావలభ్య తావకప్రసాద తే నమః శివాయ |
పావకాక్ష దేవపూజ్యపాద తే నమః శివాయ
తావకాంఘ్రిభక్తదత్తమోద తే నమః శివాయ || ౨౪ ||
భుక్తిముక్తిదివ్యభోగదాయినే నమః శివాయ
శక్తికల్పితప్రపంచభాగినే నమః శివాయ |
భక్తసంకటాపహారయోగినే నమః శివాయ
యుక్తసన్మనో సరోజయోగినే నమః శివాయ || ౨౫ ||
అంతకాంతకాయ పాపహారిణే నమః శివాయ
శాంతమాయదంతిచర్మధారిణే నమః శివాయ |
సంతతాశ్రితవ్యథావిదారిణే నమః శివాయ
జంతుజాతనిత్యసౌఖ్యకారిణే నమః శివాయ || ౨౬ ||
శూలినే నమో నమః కపాలినే నమః శివాయ
పాలినే విరించి తుండమాలినే నమః శివాయ |
లీలినే విశేషరుండమాలినే నమః శివాయ
శీలినే నమః ప్రపుణ్యశాలినే నమః శివాయ || ౨౭ ||
శివపంచాక్షరముద్రాం చతుష్పదోల్లాసపద్యమణి ఘటితామ్ |
నక్షత్రమాలికామిహ దధదుపకంఠం నరో భవేత్సోమః || ౨౮ ||

ఇతి శ్రీమచ్ఛంకరాచార్య కృతం శ్రీ శివ పంచాక్షర నక్షత్ర మాలా స్తోత్రమ్ సంపూర్ణం

Sri Mahakala Stotram

श्री महाकाल स्तोत्रं (Sri Mahakala Stotram) ॐ महाकाल महाकाय महाकाल जगत्पते महाकाल महायोगिन महाकाल नमोस्तुते महाकाल महादेव महाकाल महा प्रभो महाकाल महारुद्र महाकाल नमोस्तुते महाकाल महाज्ञान महाकाल तमोपहन महाकाल महाकाल...

Shiva Mahima Stotram

శివ మహిమ స్తోత్రమ్ (Shiva Mahima Stotram) మహేశానన్తాద్య త్రిగుణరహితామేయవిమల స్వరాకారాపారామితగుణగణాకారినివృతే | నిరాధారాధారామరవర నిరాకార పరమ ప్రభాపూరాకారావర పర నమో వేద్య శివ తే ||౧|| నమో వేదావేద్యాఖిలజగదుపాదాన నియతం స్వతన్త్రాసామాన్తానవధుతినిజాకారవిరతే | నివర్తన్తే వాచః శివభజనమప్రాప్య మనసా యతోఽశక్తాః...

Sri Dattatreya Mala Mantram

శ్రీ దత్తాత్రేయా మాలా మంత్రం (Sri Dattatreya Mala Mantram) ఓం నమో భగవతే దత్తాత్రేయాయ, స్మరణమాత్రసన్తుష్టాయ, మహాభయనివారణాయ మహాజ్ఞానప్రదాయ, చిదానన్దాత్మనే బాలోన్మత్తపిశాచవేషాయ, మహాయోగినే అవధూతాయ, అనసూయానన్దవర్ధనాయ అత్రిపుత్రాయ, ఓం భవబన్ధవిమోచనాయ, ఆం అసాధ్యసాధనాయ, హ్రీం సర్వవిభూతిదాయ, క్రౌం అసాధ్యాకర్షణాయ, ఐం...

Sri Maha Mruthyunjaya Stotram

మహా మృత్యుంజయ స్తోత్రం (Maha Mruthyunjaya Stotram) రుద్రం పశుపతిం స్థాణుం నీలకంఠముమాపతిమ్ | నమామి శిరసా దేవం కిం నో మృత్యుః కరిష్యతి || ౧ || నీలకంఠం కాలమూర్తిం కాలజ్ఞం కాలనాశనమ్ | నమామి శిరసా దేవం కిం...

More Reading

Post navigation

error: Content is protected !!