ఓషధయ సూక్తం (యజుర్వేదీయ) (Oshadi Suktam Yajurvediya)
యా జా॒తా ఓష॑ధయో దే॒వేభ్య॑స్త్రియు॒గం పు॒రా | మన్దా॑మి బ॒భ్రూణా॑మ॒హగ్ం శ॒తం ధామా॑ని స॒ప్త చ॑ || ౧ శ॒తం వో॑ అంబ॒ ధామా॑ని స॒హస్ర॑ము॒త వో॒ రుహ॑: | అథా॑ శతక్రత్వో యూ॒యమి॒మం మే॑ అగ॒దం కృ॑త || ౨ పుష్పా॑వతీః ప్ర॒సూవ॑తీః ఫ॒లినీ॑రఫ॒లా ఉ॒త | అశ్వా॑ ఇవ స॒జిత్వ॑రీర్వీ॒రుధః॑ పారయి॒ష్ణవ॑: || ౩ ఓష॑ధీ॒రితి॑ మాతర॒స్తద్వో॑ దేవీ॒రుప॑ బ్రువే | రపాగ్॑oసి విఘ్న॒తీరి॑త॒ రప॑శ్చా॒తయ॑మానాః || ౪ అ॒శ్వ॒త్థే వో॑ ని॒షద॑నం ప॒ర్ణే వో॑ వస॒తిః కృ॒తా | గో॒భాజ॒ ఇత్కిలా॑సథ॒ యత్స॒నవ॑థ॒ పూరు॑షమ్ || ౫ యద॒హం వా॒జయ॑న్ని॒మా ఓష॑ధీ॒ర్హస్త॑ ఆద॒ధే | ఆ॒త్మా యక్ష్మ॑స్య నశ్యతి పు॒రా జీ॑వ॒గృభో॑ యథా || ౬ యదోష॑ధయః స॒ఙ్గచ్ఛ॑న్తే॒ రాజా॑న॒: సమి॑తావివ | విప్ర॒: స ఉ॑చ్యతే భి॒షగ్ర॑క్షో॒హాఽమీ॑వ॒చాత॑నః || ౭ నిష్కృ॑తి॒ర్నామ॑ వో మా॒తాఽథా॑ యూ॒యగ్ం స్థ॒ సఙ్కృ॑తీః | స॒రాః ప॑త॒త్రిణీ”: స్థన॒ యదా॒మయ॑తి॒ నిష్కృ॑త || ౮ అ॒న్యా వో॑ అ॒న్యామ॑వత్వ॒న్యాఽన్యస్యా॒ ఉపా॑వత | తాః సర్వా॒ ఓష॑ధయః సంవిదా॒నా ఇ॒దం మే॒ ప్రావ॑తా॒ వచ॑: || ౯ ఉచ్ఛుష్మా॒ ఓష॑ధీనా॒o గావో॑ గో॒ష్ఠాది॑వేరతే | ధనగ్॑o సని॒ష్యన్తీ॑నామా॒త్మాన॒o తవ॑ పూరుష || ౧౦ అతి॒ విశ్వా”: పరి॒ష్ఠాః స్తే॒న ఇ॑వ వ్ర॒జమ॑క్రముః | ఓష॑ధయ॒: ప్రాచు॑చ్యవు॒ర్యత్కిం చ॑ త॒నువా॒గ్॒o రప॑: || ౧౧ యాస్త॑ ఆత॒స్థురా॒త్మాన॒o యా ఆ॑వివి॒శుః పరు॑: పరుః | తాస్తే॒ యక్ష్మ॒o వి బా॑ధన్తాము॒గ్రో మ॑ధ్యమ॒శీరి॑వ || ౧౨ సా॒కం య॑క్ష్మ॒ ప్ర ప॑త శ్యే॒నేన॑ కికిదీ॒వినా” | సా॒కం వాత॑స్య॒ ధ్రాజ్యా॑ సా॒కం న॑శ్య ని॒హాక॑యా || ౧౩ అ॒శ్వా॒వ॒తీగ్ం సో॑మవ॒తీమూ॒ర్జయ॑న్తీ॒ ముదో॑జసమ్ | ఆ వి॑త్సి॒ సర్వా॒ ఓష॑ధీర॒స్మా అ॑రి॒ష్టతా॑తయే || ౧౪ యాః ఫ॒లినీ॒ర్యా అ॑ఫ॒లా అ॑పు॒ష్పా యాశ్చ॑ పు॒ష్పిణీ”: | బృహ॒స్పతి॑ ప్రసూతా॒స్తా నో॑ ముఞ్చ॒న్త్వగ్ంహ॑సః || ౧౫ యా ఓష॑ధయ॒: సోమ॑రాజ్ఞీ॒: ప్రవి॑ష్టాః పృథి॒వీమను॑ | తాసా॒o త్వమ॑స్యుత్త॒మా ప్రణో॑ జీ॒వాత॑వే సువ || ౧౬ అ॒వ॒పత॑న్తీరవదన్ది॒వ ఓష॑ధయ॒: పరి॑ | యం జీ॒వమ॒శ్నవా॑మహై॒ న స రి॑ష్యాతి॒ పూరు॑షః || ౧౭ యాశ్చే॒దము॑పశృ॒ణ్వన్తి॒ యాశ్చ॑ దూ॒రం పరా॑గతాః | ఇ॒హ స॒oగత్య॒ తాః సర్వా॑ అ॒స్మై సం ద॑త్త భేష॒జమ్ || ౧౮ మా వో॑ రిషత్ఖని॒తా యస్మై॑ చా॒హం ఖనా॑మి వః | ద్వి॒పచ్చతు॑ష్పద॒స్మాక॒గ్॒o సర్వ॑మ॒స్త్వనా॑తురమ్ || ౧౯ ఓష॑ధయ॒: సం వ॑దన్తే॒ సోమే॑న స॒హ రాజ్ఞా” | యస్మై॑ క॒రోతి॑ బ్రాహ్మ॒ణస్తగ్ం రా॑జన్ పారయామసి || ౨౦ ఓం శాన్తి॒: శాన్తి॒: శాన్తి॑: |
