శ్రీ త్రిపురసుందరి చక్రరాజ స్తోత్రం (Sri Tripurasundari Chakra Raja Stotram)
॥ క॥
కర్తుం దేవి ! జగద్-విలాస-విధినా సృష్టేన తే మాయయా
సర్వానన్ద-మయేన మధ్య-విలసచ్ఛ్రీ-వినదునాఽలఙ్కృతమ్ ।
శ్రీమద్-సద్-గురు-పూజ్య-పాద-కరుణా-సంవేద్య-తత్త్వాత్మకం
శ్రీ-చక్రం శరణం వ్రజామి సతతం సర్వేష్ట-సిద్ధి-ప్రదమ్ ॥ ౧॥
॥ ఏ॥
ఏకస్మిన్నణిమాదిభిర్విలసితం భూమీ-గృహే సిద్ధిభిః
వాహ్యాద్యాభిరుపాశ్రితం చ దశభిర్ముద్రాభిరుద్భాసితమ్ ।
చక్రేశ్యా ప్రకతేడ్యయా త్రిపురయా త్రైలోక్య-సమ్మోహనం
శ్రీ-చక్రం శరణం వ్రజామి సతతం సర్వేష్ట-సిద్ధి-ప్రదమ్ ॥ ౨॥
॥ ఈ॥
ఈడ్యాభిర్నవ-విద్రుమ-చ్ఛవి-సమాభిఖ్యాభిరఙ్గీ-కృతం
కామాకర్షిణీ కాదిభిః స్వర-దలే గుప్తాభిధాభిః సదా ।
సర్వాశా-పరి-పూరకే పరి-లసద్-దేవ్యా పురేశ్యా యుతం
శ్రీ-చక్రం శరణం వ్రజామి సతతం సర్వేష్ట-సిద్ధి-ప్రదమ్ ॥ ౩॥
॥ ల॥
లబ్ధ-ప్రోజ్జ్వల-యౌవనాభిరభితోఽనఙ్గ-ప్రసూనాదిభిః
సేవ్యం గుప్త-తరాభిరష్ట-కమలే సఙ్క్షోభకాఖ్యే సదా ।
చక్రేశ్యా పుర-సున్దరీతి జగతి ప్రఖ్యాతయాసఙ్గతం
శ్రీ-చక్రం శరణం వ్రజామి సతతం సర్వేష్ట-సిద్ధి-ప్రదమ్ ॥ ౪॥
॥ హ్రీం॥
హ్రీఙ్కారాఙ్కిత-మన్త్ర-రాజ-నిలయం శ్రీసర్వ-సఙ్క్షోభిణీ
ముఖ్యాభిశ్చల-కున్తలాభిరుషితం మన్వస్ర-చక్రే శుభే ।
యత్ర శ్రీ-పుర-వాసినీ విజయతే శ్రీ-సర్వ-సౌభాగ్యదే
శ్రీ-చక్రం శరణం వ్రజామి సతతం సర్వేష్ట-సిద్ధి-ప్రదమ్ ॥ ౫॥
॥ హ॥
హస్తే పాశ-గదాది-శస్త్ర-నిచయం దీప్తం వహన్తీభిః
ఉత్తీర్ణాఖ్యాభిరుపాస్య పాతి శుభదే సర్వార్థ-సిద్ధి-ప్రదే ।
చక్రే బాహ్య-దశారకే విలసితం దేవ్యా పూర-శ్ర్యాఖ్యయా
శ్రీ-చక్రం శరణం వ్రజామి సతతం సర్వేష్ట-సిద్ధి-ప్రదమ్ ॥ ౬॥
॥ స॥
సర్వజ్ఞాదిభిరినదు-కాన్తి-ధవలా కాలాభిరారక్షితే
చక్రేఽన్తర్దశ-కోణకేఽతి-విమలే నామ్నా చ రక్షా-కరే ।
యత్ర శ్రీత్రిపుర-మాలినీ విజయతే నిత్యం నిగర్భా స్తుతా
శ్రీ-చక్రం శరణం వ్రజామి సతతం సర్వేష్ట-సిద్ధి-ప్రదమ్ ॥ ౭॥
॥ క॥
కర్తుం మూకమనర్గల-స్రవదిత-ద్రాక్షాది-వాగ్-వైభవం
దక్షాభిర్వశినీ-ముఖాభిరభితో వాగ్-దేవతాభిర్యుతామ్ ।
అష్టారే పుర-సిద్ధయా విలసితం రోగ-ప్రణాశే శుభే
శ్రీ-చక్రం శరణం వ్రజామి సతతం సర్వేష్ట-సిద్ధి-ప్రదమ్ ॥ ౮॥
॥ హ॥
హన్తుం దానవ-సఙ్ఘమాహవ భువి స్వేచ్ఛా సమాకల్పితైః
శస్త్రైరస్త్ర-చయైశ్చ చాప-నివహైరత్యుగ్ర-తేజో-భరైః ।
ఆర్త-త్రాణ-పరాయణైరరి-కుల-ప్రధ్వంసిభిః సంవృతం
శ్రీ-చక్రం శరణం వ్రజామి సతతం సర్వేష్ట-సిద్ధి-ప్రదమ్ ॥ ౯॥
॥ ల॥
లక్ష్మీ-వాగ-గజాదిభిః కర-లసత్-పాశాసి-ఘణ్టాదిభిః
కామేశ్యాదిభిరావృతం శుభ~ణ్కరం శ్రీ-సర్వ-సిద్ధి-ప్రదమ్ ।
చక్రేశీ చ పురామ్బికా విజయతే యత్ర త్రికోణే ముదా
శ్రీ-చక్రం శరణం వ్రజామి సతతం సర్వేష్ట-సిద్ధి-ప్రదమ్ ॥ ౧౦॥
॥ హ్రీం॥
హ్రీఙ్కారం పరమం జపద్భిరనిశం మిత్రేశ-నాథాదిభిః
దివ్యౌఘైర్మనుజౌఘ-సిద్ధ-నివహైః సారూప్య-ముక్తిం గతైః ।
నానా-మన్త్ర-రహస్య-విద్భిరఖిలైరన్వాసితం యోగిభిః
శ్రీ-చక్రం శరణం వ్రజామి సతతం సర్వేష్ట-సిద్ధి-ప్రదమ్ ॥ ౧౧॥
॥ స॥
సర్వోత్కృష్ట-వపుర్ధరాభిరభితో దేవీ సమాభిర్జగత్
సంరక్షార్థముపాగతాఽభిరసకృన్నిత్యాభిధాభిర్ముదా ।
కామేశ్యాదిభిరాజ్ఞయైవ లలితా-దేవ్యాః సముద్భాసితం
శ్రీ-చక్రం శరణం వ్రజామి సతతం సర్వేష్ట-సిద్ధి-ప్రదమ్ ॥ ౧౨॥
॥ క॥
కర్తుం శ్రీలలితాఙ్గ-రక్షణ-విధిం లావణ్య-పూర్ణాం తనూం
ఆస్థాయాస్త్ర-వరోల్లసత్-కర-పయోజాతాభిరధ్యాసితమ్ ।
దేవీభిర్హృదయాదిభిశ్చ పరితో విన్దుం సదాఽఽనన్దదం
శ్రీ-చక్రం శరణం వ్రజామి సతతం సర్వేష్ట-సిద్ధి-ప్రదమ్ ॥ ౧౩॥
॥ ల॥
లక్ష్మీశాది-పదైర్యుతేన మహతా మఞ్చేన సంశోభితం
షట్-త్రింశద్భిరనర్ఘ-రత్న-ఖచితైః సోపానకైర్భూషితమ్ ।
చిన్తా-రత్న-వినిర్మితేన మహతా సింహాసనేనోజ్జ్వలం
శ్రీ-చక్రం శరణం వ్రజామి సతతం సర్వేష్ట-సిద్ధి-ప్రదమ్ ॥ ౧౪॥
॥ హ్రీం॥
హ్రీఙ్కారైక-మహా-మనుం ప్రజపతా కామేశ్వరేణోషితం
తస్యాఙ్కే చ నిషణ్ణయా త్రి-జగతాం మాత్రా చిదాకిరయా ।
కామేశ్యా కరుణా-రసైక-నిధినా కల్యాణ-దాత్ర్యా యుతం
శ్రీ-చక్రం శరణం వ్రజామి సతతం సర్వేష్ట-సిద్ధి-ప్రదమ్ ॥ ౧౫॥
॥ శ్రీం॥
శ్రీమత్-పఞ్చ-దశాక్షరైక-నిలయం శ్రీషోడశీ-మన్దిరం
శ్రీనాథాదిభిరర్చితం చ బహుధా దేవైః సమారాధితమ్ ।
శ్రీకామేశ-రహస్సఖీ-నిలయనం శ్రీమద్-గుహారాధితం
శ్రీ-చక్రం శరణం వ్రజామి సతతం సర్వేష్ట-సిద్ధి-ప్రదమ్ ॥ ౧౬॥
