శ్రీ బాలా త్రైలోక్య విజయ కవచమ్ (Sri Bala Trailokya Vijaya Kavacham)
శ్రీ భైరవ ఉవాచ
అధునా తే ప్రవక్ష్యామి కవచం మంత్రవిగ్రహమ్
త్రైలోక్యవిజయం నామ రహస్యం దేవదుర్లభమ్
శ్రీ దేవ్యువాచ
యా దేవీ త్ర్యక్షరీ బాలా చిత్కలా శ్రీ సరస్వతీ
మహావిద్యేశ్వరీ నిత్యా మహాత్రిపురసుందరీ
తస్యాః కవచమీశాన మంత్రగర్భం పరాత్మకమ్
త్రైలోక్యవిజయం నామ శ్రోతుమిచ్ఛామి తత్త్వతః
శ్రీ భైరవ ఉవాచ
దేవదేవి మహాదేవి బాలాకవచముత్తమమ్
మంత్రగర్భం పరం తత్త్వం లక్ష్మీ సంవర్ధనం పరమ్
సర్వస్వం మే రహస్యం తు గుహ్యం త్రిదశగోపితమ్
ప్రవక్ష్యామి తవ స్నేహాన్నాఖ్యేయం యస్య కస్యచిత్
యద్ధృత్వా కవచం దేవ్యా మాతృకాక్షర మండితమ్
నారాయణోపి దైత్యేంద్రాన్ జఘాన రణమండలే
త్ర్యంబకం కామదేవోపి బలం శక్రో జఘాన హి
కుమారస్తారకం దైత్యమంధకం చంద్రశేఖరః
అవధీద్రావణం రామో వాతాపిం కుంభసంభవః
కవచస్యాస్య దేవేశి ధారణాత్ పఠనాదపి
స్రష్టా ప్రజాపతిర్బ్రహ్మా విష్ణుస్త్రైలోక్యపాలకః
శివోణిమాది సిద్ధీశో మఘవాన్ దేవనాయకః
సూర్యస్తేజోనిధిర్దేవి చంద్రస్తారాధిపః స్థితః
వహ్నిర్మహోర్మి నిలయో వరుణోపి దిశాం పతిః
సమీరో బలవాంల్లోకే యమో ధర్మనిధిః స్మృతః
కుబేరో నిధినాథోస్తి నైరృతిః సర్వరాక్షసామ్
ఈశ్వరః శంకరో రుద్రో దేవి రత్నాకరోంబుధిః
అస్య స్మరణమాత్రేణ కులే తస్య కులేశ్వరి
ఆయుః కీర్తిః ప్రభా లక్ష్మీర్వృద్ధిర్భవతి సంతతమ్
కవచం సుభగం దేవి బాలాయాః కౌలికేశ్వరి
వినియోగః
అస్య శ్రీ బాలా త్రిపురసుందరీ త్రైలోక్యవిజయ కవచస్య దక్షిణామూర్తిః ఋషిః
పంక్తిశ్ఛందః శ్రీ బాలా త్రిపురసుందరీ దేవతా
ఐం బీజం
సౌః శక్తిః
క్లీం కీలకం
మమ సర్వరక్షార్థే పాఠే వినియోగః
ధ్యానమ్
అకుల కులమయంతీ చక్రమధ్యే స్ఫురంతీ
మధుర మధు పిబంతీ కంటకాన్ భక్షయంతీ
దురితమపహరంతీ సాధకాన్ పోషయంతీ
జయతు జయతు బాలా సుందరీ క్రీడయంతీ
కవచమ్
ఐం బీజం మే శిరః పాతు క్లీం బీజం భ్రుకుటీం మమ
సౌః ఫాలం పాతు మే బాలా ఐం క్లీం సౌః నయనే మమ
అం ఆం ఇం ఈం శ్రుతీ పాతు బాలా కామేశ్వరీ మమ
ఉం ఊం ఋం ౠం సదా పాతు మమ నాసాపుటద్వయమ్
లుం లూం ఏం ఐం పాతు గండౌ ఐం క్లీం సౌః త్రిపురాంబికా
ఓం ఔం అం అః ముఖం పాతు క్లీం ఐం సౌః త్రిపురేశ్వరీ
కం ఖం గం ఘం ఙం కరౌ మే సౌః ఐం క్లీం శత్రుమర్దినీ
చం ఛం జం ఝం ఞం పాతు మే కుక్షిం ఐం కులనాయికా
టం ఠం డం ఢం ణం మే పాతు వక్షః క్లీం భగమాలినీ
తం థం దం ధం నం మే పాతు బాహూ సౌః జయదాయినీ
పం ఫం బం భం మం మే పాతు పార్శ్వౌ పరమసుందరీ
యం రం లం వం పాతు పృష్ఠం ఐం క్లీం సౌః విశ్వమాతృకా
శం షం సం హం పాతు నాభిం భగవత్యమృతేశ్వరీ
లం క్షం కటిం సదా పాతు క్లీం క్లీం క్లీం మాతృకేశ్వరీ
ఐం ఐం ఐం పాతు మే లింగం భగం మే భగగర్భిణీ
సౌః సౌః సౌః పాతు మే ఊరూ వీరమాతాష్టసిద్ధిదా
సౌః ఐం క్లీం జానూ మే పాతు మహాముద్రాభిముద్రితా
సౌః క్లీం ఐం పాతు మే జంఘే బాలా త్రిభువనేశ్వరీ
క్లీం ఐం సౌః పాతు గుల్ఫౌ మే త్రైలోక్యవిజయప్రదా
ఐం క్లీం సౌః పాతు మే పాదౌ బాలా త్ర్యక్షరరూపిణీ
శీర్షాది పాదపర్యంతం సర్వావయవ సంయుతమ్
పాయాత్ పాదాది శీర్షాంతం ఐం క్లీం సౌః సకలం వపుః
దిగ్బంధన
బ్రాహ్మీ మాం పూర్వతః పాతు వహ్నౌ వారాహికావతు
మాహేశ్వరీ దక్షిణే చ ఇంద్రాణీ పాతు నైరృతౌ
పశ్చిమే పాతు కౌమారీ వాయవ్యే చండికావతు
వైష్ణవీ పాతు కౌబేర్యాం ఈశాన్యాం నారసింహకా
ప్రభాతే భైరవీ పాతు మధ్యాహ్నే యోగినీ తథా
సాయాహ్నే వటుకా పాతు అర్ధరాత్రే శివోవతు
నిశాంతే సర్వగా పాతు సర్వదా చక్రనాయికా
రణే నాగకులే ద్యూతే వివాదే శత్రుసంకటే
సర్వత్ర సర్వదా పాతు ఐం క్లీం సౌః బీజభూషితా
ఫలశ్రుతి
ఇతీదం కవచం దివ్యం బాలాయాః సారముత్తమమ్
మంత్రవిద్యామయం తత్త్వం మాతృకాక్షర భూషితమ్
బ్రహ్మవిద్యామయం బ్రహ్మసాధనం మంత్రసాధనమ్
యః పఠేత్ సతతం భక్త్యా ధారయేద్వా మహేశ్వరి
తస్య సర్వార్థసిద్ధిః స్యాత్ సాధకస్య న సంశయః
రవౌ భూర్జే లిఖిత్వేదం అర్చయేద్ధారయేత్తతః
వంధ్యాపి కాకవంధ్యాపి మృతవత్సాపి పార్వతి
లభేత్ పుత్రాన్ మహావీరాన్ మార్కండేయ సమాయుషః
విత్తం దరిద్రో లభతే మతిమానయశః స్త్రియః
య ఏతద్ధారయేద్వర్మ సంగ్రామే స రిపూన్ జయేత్
జిత్వా వైరికులం ఘోరం కల్యాణం గృహమావిశేత్
బాహౌ కంఠే తథా దేవి ధారయేన్మూర్ధ్ని సంతతమ్
ఇహ లోకే ధనారోగ్యం పరమాయుర్యశః శ్రియమ్
ప్రాప్య భక్త్యా నరో భోగానంతే యాతి పరం పదమ్
ఇదం రహస్యం పరమం సర్వతస్తుత్తమోత్తమమ్
గుహ్యాద్గుహ్యమిదం నిత్యం గోపనీయం స్వయోనివత్
ఇతి శ్రీ రుద్రయామలే శ్రీ బాలా త్రైలోక్య విజయ కవచమ్ సంపూర్ణమ్
