శ్రీదేవీ తాణ్డవ స్తోత్రమ్(Sri Devi Tandava Stotram)
అథ శ్రీదేవీ తాణ్డవం
అమరతాపసభూపసురయోగిభిర్నుతపదాబురుహే ప్రణమాస్పదే
నిగమమూర్ధిని నిత్యవినోదిని భవభయాభవమాం పరమేశ్వరి
ఓం తత్ సత్
అథ కుదాచిత్
అకారోకారమకారబిందునాదస్వరూపిణీ
అఖిలజగదైకకారిణీ
అఖణ్డపరిపూర్ణ సచ్చిదానంద స్వరూపిణీ
అరుణకోటికోటి ప్రకాశదర్శితాశ్రయాశార్కసోమమణ్డలా నాముపరి
శ్రీసాదాఖ్య కలారూపత్వేన సాక్షిరూపతయా
అనేకకోటి బ్రహ్మాణ్డానాం
దేవమనుష్యతిర్యగ్యోనిజాతీనాం
స్థావరజంగమాణ్డజాతి చతుర్విధయోని జాతానాం
తేషూత్తమమధ్యమాధమానాం
పుణ్యమిశ్రపాపకర్మాను జాతానామపి
అతలవితలసుతలతలాతల మహాతల రసాతల
పాతాలసప్తాధోలోకానాం భూర్భువాదిసప్తోర్ధ్వలోకానాం
సర్గస్థితి ప్రలయహేతుభూతతయా
నిరంజనాకరతయా
నిత్యశుద్ధబుద్ధముక్తసత్య పరమానందస్వరూపయా వర్తమానే
ఇందుచూడప్రియే
షోడశకలాభారిందురివ చంద్రజ్ఞానవిద్యాయాం ప్రతిపాదితే
నిత్యానందైకరసానుభవచిత్తానాం నిర్మలానాం
ద్వైత ప్రపంచవాసనావ్యతిరక్తకలిమలదోషాణాం
శుద్ధబోధానందాకార సవిన్మయే పావకే
సంచితాగామిసకప్రారబ్ధకర్మోద్భవ సుఖదుఃఖాదిర్భిద్రవైర్యజతాం
హుతాశీనాం నిఖిలలోకైకసాక్షిత్వేన
సర్వమంగలోపేతశివస్వరూపత్వేన
తుర్యాతీత నిశ్చలనిర్వికల్ప
సజాతీయ విజాతీయ స్వగతభేదరహితత్వేన
త్రైపుటీసాక్షిత్వేన
శరీరత్రయ విలక్షణరూపతయా
అవస్థాత్రయ సాక్షిత్వేన పంచకోశవ్యతిరిక్తత్వేన
సచ్చిదానందస్వరూపతయా
తత్త్వమస్యాది మహావాక్యజన్యజ్ఞానజ్ఞేయ స్వరూపతయా
శుద్ధస్వయం ప్రకాశే జ్యోతిస్వరూపే
పరబ్రహ్మణి
దీనవృత్తీనాం అర్థపుత్రమిత్రకళత్రసదనాదిసంబంధైః సంసారైః
కామక్రోధలోభమోహమదమాత్సర్యరాగద్వేషాదిభిర్మేఘైర్నిముక్తే
దహరాకాశేతిశుచౌ దశాది పంచదశకలాభిస్సకలరూపత్వేన
శ్రీ సదాఖ్యాభిధానయా కలయా నిష్కలస్వరూపత్వేన
పూర్ణకారతయాచ శశభృద్దివివిద్యమానే ఈశ్వరస్య గృహిణీ
ఈశ్వరరుద్రవిష్ణుబ్రహ్మాణాం వ్యుత్క్రమేణ
సృష్టిస్థితిసంహార తిరోధాన కర్తృభూతానాం
నకారమకారశివకారాణామపి హేమస్ఫటిక మాణిక్యనీలవర్ణానాం
మూలాధారం విహాయ చతుశ్చత్వారింశద్వర్ణానాం పదానాముపరి యో
యకారరూపః సదాశివః తటిజ్జ్వలేవాను
మయ్యానుగ్రహశక్త్యా అతిసూక్ష్మాకార గగనాకారతయావర్తతే
తదాకాశఫలకాంవిధాయ ఏతాదృశగుణవిశిష్టదివ్యసనో
వేదవేదాంగవేదాంతాది సకలమతాధిష్ఠాన రూపతయా
శైవాగమోక్తప్రకారాత్
ఓంకార స్వరూపతయా
శాక్తానుగతసకలశాస్త్రాణాం
పూర్వాపరపక్షాణాం
ఏకీభూతాధారేయ లక్ష్యస్వరూపతయా
హ్రీంకారస్వరూపతయా
చ అథవా పరమరహస్యాకారాయాం శ్రీపంచదశాక్షర్యాం
ఆత్మవిద్యామతిశుచ్యాం హరిహరవిరించాదిభిరభ్యర్చ్యమానాయాం
తస్యోపాసకానాం
ఈకారసహితశ్రీకార రేఫబిందుస్వరూపతయా విరాజమానే
ఉత్కృష్టకర్మోపాసనా యోగైశ్వర్యాదిషువినిర్ముక్త
చిత్తానాం శుద్ధోపనిషత్ సంభృత వేదాంత వాక్యార్థవేదీనాం
పరమహంసానాంవరిష్ఠవృత్తీనామతి వర్ణాశ్రమ ప్రవృత్తానాం
తత్త్వవిదాం నాదరూపరహితానందాకార విశ్వతైజస ప్రాజ్ఞానామపి విరాట్
హిరణ్యగర్భాంతర్యామిణాంచ ప్రజాపత్య చిజ్జ్వలిత శాంతానాం మూలాధార
స్వాధిష్ఠానమణిపూరకానాహత విశుద్ధ్యాజ్ఞాచక్రాణాముపరి
చతుర్వింశతి తత్త్వానాంచ సర్వజ్ఞ సర్వకారణ
సర్వేశ్వర సర్వాంతర్యామి సర్వసృష్టి సర్వస్థితి సర్వసంహార
సప్తోపాధిభిః జహదజహత్ లక్షణయా సోయం
దేవతత్తేత్యఖణ్డవాక్యానువృత్త్యా
శివకారతయా చ పరమాత్మస్వరూపేణ భాసమానే
ఆదివ్యాధి ఉద్భవ దుఃఖైరతితీవ్రైః వ్రజభిః గృహక్షేత్రధనధాన్య
పుత్రమిత్రకళత్రాదిభిః రతిభయానకైర్జలజంతుభిః దుస్తరే మహావారిధౌ
నిమగ్నమతిదీనం మాం త్వదీయయా భక్తరక్షణనిపుణయా కరుణార్ద్రయా
దృష్ట్యా ఉద్ధరోద్ధర రక్షరక్ష త్వచ్చరణారవిందే నివేశయ నివేశయ
