ఆపదున్మూలన శ్రీ దుర్గా స్తోత్రం (Aapadunmoolana Sri Durga Stotram)
లక్ష్మీశే యోగనిద్రాం ప్రభజతి భుజగాధీశతల్పే సదర్పావుత్పన్నౌ దానవౌ తచ్ఛవణమలమయాంగౌ మధు కైటభం చ |
దృష్ట్వా భీతస్య ధాతుః స్తుతిభిరభినుతాం ఆశు తౌ నాశయంతీం దుర్గాం దేవీం ప్రపద్యే శరణమహమశేషాపదున్మూలనాయ || ౧ ||
యుద్ధే నిర్జిత్య దైత్యస్త్రిభువనమఖిలం యస్తదీయేషు ధిష్ట్యేష్వాస్థాయ స్వాన్ విధేయాన్ స్వయమగమదసౌశక్రతాం విక్రమేణ |
తం సామాత్యాప్తమిత్రం మహిషమపి నిహత్యాస్య మూర్థాధిరూఢాం దుర్గాం దేవీం ప్రపద్యే శరణమహమశేషాపదున్మూలనాయ || ౨ ||
విశ్వోత్పత్తిప్రణాశస్థితివిహృతిపరే దేవి ఘోరామరారి ఆవిర్భూయాః పురస్తాదితి త్రాసాత్తాతుం కులం నః పునరపి చ మహాసంకటేష్వీదృశేషు |
చరణనమత్సర్వగీర్వాణవర్గాం దుర్గాం దేవీం ప్రపద్యే శరణమహమశేషాపదున్మూలనాయ || ౩
హంతుం శుంభం నిశుంభం విబుధగణనుతాం హేమడోలాం హిమాద్రావారూఢాం వ్యూఢదర్ఫాన్ యుధి నిహతవతీం ధూమ్రదృక్చండముండాన్ |
చాముండాఖ్యం దధానాం ఉపశమితమహారక్తబీజోపసర్గాం దుర్గాం దేవీం ప్రపద్యే శరణమహమశేషా పదున్మూలనాయ|| ౪ ||
బ్రహ్మేశస్కందనారాయణకిటిన సింహేంద్రశక్తిః స్వభృత్యాః కృత్వా హత్వా నిశుంభం జితవిబుధగణం త్రాసితాశేషలోకమ్ |
ఏకీభూయాథ శుంభం రణశిరసి నిహత్యాస్థితామాత్తఖడ్గం దుర్గాం దేవీం ప్రపద్యే శరణమహమశేషాపదున్మూలనాయ || ౫ ||
ఉత్పన్నా నందజేతి స్వయమవనితలే శుంభమన్యం నిశుంభం భ్రామర్యాఖ్యారుణాఖ్యా పునరపి జననీ దుర్గమాఖ్యం నిహంతుమ్ |
భీమా శాకంభరీతి త్రుటితరిపుభటాం రక్తదంతేతి జాతాం దుర్గాం దేవీం ప్రపద్యే శరణమహమశేషా పదున్మూలనాయ || ౬ ||
త్రైగుణ్యానాం గుణానాం అనుసరణకలాకేలి నానావతారైః త్రైలోక్యత్రాణశీలాం దనుజకులవనవహ్నిలీలాం సలీలామ్ |
దేవీం సచ్చిన్మయీం తాం వితరితవినమత్సత్రివర్గాపవర్గాం దుర్గాం దేవీం ప్రపద్యే శరణమహమశేషాపదున్మూలనాయ || ౭ ||
సింహారూఢాం త్రినేత్రీం కరతలవిలసచ్ఛంఖచక్రాసిరమ్యాం భక్తాభీష్టప్రదాత్రీం రిపుమథనకరీం సర్వలోకైకవంద్యామ్ |
సర్వాలంకారయుక్తాం శశియుతమకుటాం శ్యామలాంగీం కృశాంగీం దుర్గాం దేవీం ప్రపద్యే శరణమహమశేషాపదున్మూలనాయ || ౮ ||
త్రాయస్వ స్వామినీతి త్రిభువనజనని ప్రార్థనా త్వయ్యపార్థా పాల్యంతే౨భ్యర్థనాయాం భగవతి శిశవః కింత్వనన్యాః జనన్యాః |
తత్తుభ్యం స్యాన్నమస్యేత్యవనతవిబుధాహ్లాది వీక్షా విసర్గాం దుర్గాం దేవీం ప్రపద్యే శరణమహమశేషాపదున్మూలనాయ || ౯ ||
ఏతం సంతః పఠంతు స్తవమఖిలవిపజ్జాలతూలానలాభం హృన్మోహధ్వాంతభానుప్రథితమఖ లసంకల్పకల్ప ద్రుకల్పమ్ |
దౌర్గం దౌర్గత్యఘోరాతపతుహినకరప్రఖ్ మంహోగజేంద్ర శ్రేణీపంచాస్యదేశ్యం విపులభయదకాలాహితార్యప్రభావమ్ || ౧౦ ||
ఇతి ఆపదున్మూలన శ్రీ దుర్గా స్తోత్రం