శ్రీ నృసింహ ద్వాదశ నామ స్తోత్రం (Sri Nrusimha Dwadasa Nama Stotram)
ఓం అస్య శ్రీ నృసింహ ద్వాదశనామ స్తోత్ర మహామంత్రస్య
వేదవ్యాసో భగవాన్ ఋషిః
అనుష్టుప్ఛ్ఛందః
లక్ష్మీనృసింహోదేవతా,
శ్రీనృసింహ ప్రీత్యర్థే జపే వినియోగః
ధ్యానమ్
స్వభక్త పక్షపాతేన తద్విపక్ష విదారణమ్!
నృసింహమద్భుతం వందే పరమానంద విగ్రహమ్ ॥
ప్రథమంతు మహాజ్వాలో ద్వితీయం తు ఉగ్రకేసరీ ।
తృతీయం తు వజ్రదంష్ట్రశ్చ చతుర్థం తు విశారదః ॥
పంచమం నారసింహశ్చ షష్ఠః కశ్యపమర్దనః ।
సప్తమో యాతుహంతా చ అష్టమో దేవవల్లభః ॥
నవమం ప్రహ్లాద వరదో దశమోऽనంత హస్తకః ।
ఏకాదశో మహారుద్రో ద్వాదశో దారుణస్తదా ॥
ద్వాదశైతాని నామాని నృసింహస్య మహాత్మనః ।
మంత్రరాజ ఇతి జ్ఞాతం సర్వపాప వినాశనమ్ ॥
క్షయాపస్మార కుష్ఠాది తాపజ్వర నివారణం ।
రాజద్వారే మహాఘోరే సంగ్రామే చ జలాంతరే ॥
గిరిగహ్వర అరణ్యే వ్యాఘ్ర చోరామయాదిషు ।
రణేచ మరణేచైవ శమదం పరమం శుభమ్ ॥
శతమావర్తయేద్యస్తు ముచ్యతే వ్యాధి బంధనాత్ ।
ఆవర్తయత్ సహస్రం తు లభతే వాంఛితం ఫలమ్ ॥
ఓం శ్రీ లక్ష్మి నృసింహాయ నమః
Leave a Comment