Home » Stotras » Sri Kamala Stotram

Sri Kamala Stotram

శ్రీ కమలా స్తోత్రం (Sri Kamala Stotram)

ఓంకారరూపిణీ దేవి విశుద్ధసత్త్వరూపిణీ ||
దేవానాం జననీ త్వం హి ప్రసన్నా భవ సుందరి || ౧ ||
తన్మాత్రంచైవ భూతాని తవ వక్షస్థలం స్మృతమ్ |
త్వమేవ వేదగమ్యా తు ప్రసన్నా భవ సుందరి || ౨ ||
దేవదానవగంధర్వయక్షరాక్షసకిన్నరః |
స్తూయసే త్వం సదా లక్ష్మీ ప్రసన్నా భవ సుందరి || ౩ ||
లోకాతీతా ద్వైతాతీతా సమస్తభూతవేష్టితా |
విద్వజ్జనని కీర్తితా చ ప్రసన్నా భవ సుందరి || ౪ ||
పరిపూర్ణా సదా లక్ష్మి త్రాత్రీ తు శరణార్థిషు |
విశ్వాద్యా విశ్వకర్త్రీ చ ప్రసన్నా భవ సుందరి || ౫ ||
బ్రహ్మరూపా చ సావిత్రీ త్వద్దీప్త్యా భాసతే జగత్ |
విశ్వరూపా వరేణ్యా చ ప్రసన్నా భవ సుందరి || ౬ ||
క్షిత్యప్తేజోమరూద్ధయోమపంచభూతస్వరూపిణీ |
బంధాదేః కారణం త్వం హి ప్రసన్నా భవ సుందరి || ౭ ||
మహేశే త్వం హేమవతీ కమలా కేశవేఽపి చ |
బ్రహ్మణః ప్రేయసీ త్వం హి ప్రసన్నా భవ సుందరి || ౮ ||
చండీ దుర్గా కాళికా చ కౌశికీ సిద్ధిరూపిణీ |
యోగినీ యోగగమ్యా చ ప్రసన్నా భవ సుందరి || ౯ ||
బాల్యే చ బాలికా త్వం హి యౌవనే యువతీతి చ |
స్థవిరే వృద్ధరూపా చ ప్రసన్నా భవ సుందరి || ౧౦ ||
గుణమయీ గుణాతీతా ఆద్యా విద్యా సనాతనీ |
మహత్తత్త్వాదిసంయుక్తా ప్రసన్నా భవ సుందరి || ౧౧ ||
తపస్వినీ తపఃసిద్ధి స్వర్గసిద్ధిస్తదర్థిషు |
చిన్మయీ ప్రకృతిస్త్వం తు ప్రసన్నా భవ సుందరి || ౧౨ ||
త్వమాదిర్జగతాం దేవి త్వమేవ స్థితికారణమ్ |
త్వమంతే నిధనస్థానం స్వేచ్ఛాచారా త్వమేవహి || ౧౩ ||
చరాచరాణాం భూతానాం బహిరంతస్త్వమేవ హి |
వ్యాప్యవాక్యరూపేణ త్వం భాసి భక్తవత్సలే || ౧౪ ||
త్వన్మాయయా హృతజ్ఞానా నష్టాత్మానో విచేతసః |
గతాగతం ప్రపద్యంతే పాపపుణ్యవశాత్సదా || ౧౫ ||
తావత్సత్యం జగద్భాతి శుక్తికారజతం యథా |
యావన్న జ్ఞాయతే జ్ఞానం చేతసా నాన్వగామినీ || ౧౬ ||
త్వజ్జ్ఞానాత్తు సదా యుక్తః పుత్రదారగృహాదిషు |
రమంతే విషయాన్సర్వానంతే దుఖప్రదం ధ్రువమ్ || ౧౭ ||
త్వదాజ్ఞయా తు దేవేశి గగనే సూర్యమండలమ్ |
చంద్రశ్చ భ్రమతే నిత్యం ప్రసన్నా భవ సుందరి || ౧౮ ||
బ్రహ్మేశవిష్ణుజననీ బ్రహ్మాఖ్యా బ్రహ్మసంశ్రయా |
వ్యక్తాఽవ్యక్త చ దేవేశి ప్రసన్నా భవ సుందరి || ౧౯ ||
అచలా సర్వగా త్వం హి మాయాతీతా మహేశ్వరి |
శివాత్మా శాశ్వతా నిత్యా ప్రసన్నా భవ సుందరి || ౨౦ ||
సర్వకార్యనియంత్రీ చ సర్వభూతేశ్వరీ |
అనంతా నిష్కాలా త్వం హి ప్రసన్నా భవసుందరి || ౨౧ ||
సర్వేశ్వరీ సర్వవంద్యా అచింత్యా పరమాత్మికా |
భుక్తిముక్తిప్రదా త్వం హి ప్రసన్నా భవ సుందరి || ౨౨ ||
బ్రహ్మాణీ బ్రహ్మలోకే త్వం వైకుంఠే సర్వమంగళా |
ఇంద్రాణీ అమరావత్యామంబికా వరూణాలయే || ౨౩ ||
యమాలయే కాలరూపా కుబేరభవనే శుభా |
మహానందాగ్నికోణే చ ప్రసన్నా భవ సుందరి || ౨౪ ||
నైరృత్యాం రక్తదంతా త్వం వాయవ్యాం మృగవాహినీ |
పాతాళే వైష్ణవీరూపా ప్రసన్నా భవ సుందరి || ౨౫ ||
సురసా త్వం మణిద్వీపే ఐశాన్యాం శూలధారిణీ |
భద్రకాళీ చ లంకాయాం ప్రసన్నా భవ సుందరి || ౨౬ ||
రామేశ్వరీ సేతుబంధే సింహలే దేవమోహినీ |
విమలా త్వం చ శ్రీక్షేత్రే ప్రసన్నా భవ సుందరి || ౨౭ ||
కాళికా త్వం కాళిఘాటే కామాఖ్యా నీలపర్వతే |
విరజా ఓడ్రదేశే త్వం ప్రసన్నా భవ సుందరి || ౨౮ ||
వారాణస్యామన్నపూర్ణా అయోధ్యాయాం మహేశ్వరీ |
గయాసురీ గయాధామ్ని ప్రసన్నా భవ సుందరి || ౨౯ ||
భద్రకాళీ కురుక్షేత్రే త్వం చ కాత్యాయనీ వ్రజే |
మహామాయా ద్వారకాయాం ప్రసన్నా భవ సుందరి || ౩౦ ||
క్షుధా త్వం సర్వజీవానాం వేలా చ సాగరస్య హి |
మహేశ్వరీ మథురాయాం చ ప్రసన్నా భవ సుందరి || ౩౧ ||
రామస్య జానకీ త్వం చ శివస్య మనమోహినీ |
దక్షస్య దుహితా చైవ ప్రసన్నా భవ సుందరి || ౩౨ ||
విష్ణుభక్తిప్రదాం త్వం చ కంసాసురవినాశినీ |
రావణనాశినీం చైవ ప్రసన్నా భవ సుందరి || ౩౩ ||

ఫలశ్రుతి

లక్ష్మీస్తోత్రమిదం పుణ్యం యః పఠేద్భక్తిసంయుతః |
సర్వజ్వరభయం నశ్యేత్సర్వవ్యాధినివారణమ్ ||
ఇదం స్తోత్రం మహాపుణ్యమాపదుద్ధారకారణమ్ |
త్రిసంధ్యమేకసంధ్యం వా యః పఠేత్సతతం నరః ||
ముచ్యతే సర్వపాపేభ్యో తథా తు సర్వసంకటాత్ |
ముచ్యతే నాత్ర సందేహో భువి స్వర్గే రసాతలే ||
సమస్తం చ తథా చైకం యః పఠేద్భక్తిత్పరః |
స సర్వదుష్కరం తీర్థ్వా లభతే పరమాం గతిమ్ ||
సుఖదం మోక్షదం స్తోత్రం యః పఠేద్భక్తిసంయుతః |
స తు కోటితీర్థఫలం ప్రాప్నోతి నాత్ర సంశయః ||
ఏకా దేవీ తు కమలా యస్మింతుష్టా భవేత్సదా |
తస్యాఽసాధ్యం తు దేవేశి నాస్తికించిజ్జగత్త్రయే ||
పఠనాదపి స్తోత్రస్య కిం న సిద్ధ్యతి భూతలే |
తస్మాత్స్తోత్రవరం ప్రోక్తం సత్యం బ్రూహి పార్వతి ||

ఇతి శ్రీ కమలా స్తోత్రం సంపూర్ణం

Sri Brahmacharini Dwadasa Nama Stotram

శ్రీ బ్రహ్మచారిణి ద్వాదశ నామ స్తోత్రం (Sri Brahmacharini Dwadasa Nama Stotram) ప్రధమం బ్రహ్మచారిణి నామ ద్వితీయం ఆశ్రమ వాసినీమ్ తృతీయం గౌర వర్ణా చ చతుర్ధo తపః చారిణీం పంచమం శంకర ప్రియా చ షష్టం శాంతదాయినీం సప్తమమ్...

Sri Venkateshwara Stotram

శ్రీ వేంకటేశ్వర స్వామి స్తోత్రం (Sri Venkateshwara Stotram) కమలాకుచ చూచుక కుంకమతో నియతారుణి తాతుల నీలతనో | కమలాయత లోచన లోకపతే విజయీభవ వేంకట శైలపతే || 1 || సచతుర్ముఖ షణ్ముఖ పంచముఖే ప్రముఖా ఖిలదైవత మౌళిమణే |...

Sri Prathyangira Devi Stotram

Sri Prathyangira Stotram (శ్రీ ప్రత్యంగిరా దేవీ స్తోత్రం) ఓం మాతర్మేమదు కైట భగ్ని మహిషా ప్రాణాపహారోధ్యమే, హేలా నిర్మిత ధూమ్ర లోచన నవదేహే చండముండార్దినీ నిషేషీ కృత రక్త భీజ దనుజే నిత్యే నిషుమ్బాపహే షుమ్భాని ధ్వంసిని సంహరారు: దురితం...

More Reading

Post navigation

Leave a Comment

Leave a Reply

Your email address will not be published. Required fields are marked *

error: Content is protected !!