శ్రీ శివ మానస పూజా స్తోత్రమ్ (Sri Shiva Manasa Pooja Stotram)
రత్నైః కల్పిత మాసనం హిమజలైః స్నానం చ దివ్యాంబరం
నానారత్నవిభూషితం మృగమదామోదాంకితం చందనమ్ ।
జాజీచంపకబిల్వపత్రరచితం పుష్పం చ ధూపం తథా దీపం
దేవదయానిధే పశుపతే హృత్కల్పితం గృహ్యతామ్ ॥ 1 ॥
సౌవర్ణే మణిఖండరత్నరచితే పాత్రే ఘృతం పాయసం భక్ష్యం
పంచవిధం పయోదధియుతం రంభాఫలం స్వాదుదమ్ ।
శాకానామయుతం జలం రుచికరం కర్పూర ఖండోజ్జ్వలం
తాంబూలం మనసా మయా విరచితం భక్త్యా ప్రభోస్వీకురు ॥ 2 ॥
ఛత్రం చామరయోర్యుగం వ్యజనకం చాదర్శకం నిర్మలం
వీణాభేరి మృదంగ కాహళకలా గీతం చ నృత్యం తధా ।
సాష్టాంగం ప్రణతిః స్తుతి ర్బహువిధా ఏతత్సమస్తం
మయా సంకల్పేన సమర్పితం తవ విభో పూజాం గృహాణ ప్రభో ॥ 3 ॥
ఆత్మా త్వం గిరిజా మతి స్సహచరాః ప్రాణాశ్శరీరం గృహం
పూజతే విషయోపభోగరచనా నిద్రా సమాధి స్థితిః ।
సంచారః పదయోః ప్రదక్షిణవిధిః స్తోత్రాణి సర్వాగిరో
యద్యత్కర్మ కరోమి తత్తదఖిలం శమ్భోతవారాధనమ్ ॥ 4 ॥
కరచరణకృతం వా కర్మ వాక్కాయజం వా
శ్రవణనయనజం వా మానసం వాపరాధమ్ ।
విహితమవిహితం వా సర్వమేతత్ క్షమస్వ
శివశివ కరుణాబ్ధే శ్రీమహాదేవ శమ్భో ॥ 5 ॥
:: ఇతి శ్రీ శివమానస పూజా స్తోత్రం సంపూర్ణమ్ ::
Leave a Comment