శ్రీ శ్యామలా స్తోత్రం (Sri Shyamala Stotram)
జయ మాతర్విశాలాక్షీ జయ సంగీతమాతృకే |
జయ మాతంగి చండాలి గృహీతమధుపాత్రకే |౧||
నమస్తేస్తు మహాదేవి నమో భగవతీశ్వరీ |
నమస్తేస్తు జగన్మాతర్జయ శంకరవల్లభే ||౨||
జయ త్వం శ్యామలేదేవీ శుకశ్యామే నమోస్తుతే ||
మహాశ్యామే మహారామే జయ సర్వమనోహరే || ౩ ||
జయ నీలోత్పలప్రఖ్యే జయ సర్వవశంకరి |
జయత్వజాత్వసంస్తుత్యే లఘుశ్యామే నమోస్తుతే || ౪ ||
నమో నమస్తే రక్తాక్షి జయ త్వం మదశాలిని |
జయ మాతర్మహాలక్ష్మి వాగీశ్వరి నమోస్తుతే || ౫ ||
నమ ఇంద్రాదిసంస్తుతే నమో బ్రహ్మాదిపూజితే |
నమో మరకతప్రఖ్యే శంఖకుండలశోభితే || ౬ ||
జయత్వం జగదీశాని లోకమోహిని తే నమః |
నమస్తేస్తు మహాకృష్ణ నమో విశ్వేశవల్లభే || ౭ ||
మహేశ్వరి నమస్తేస్తు నీలాంబరసమన్వితే |
నమః కళ్యాణి కృష్ణాంగి నమస్తే పరమేశ్వరీ ॥ ౮॥
మహాదేవప్రియకరి సమస్సర్వవశంకరి |
మహాసౌభాగ్యదే నౄణాం కదంబవనవాసిని || ౯ ||
జయ సంగీతరసికే వీణాహస్తే నమోస్తుతే
జనమోహిని వందే త్వాం బ్రహ్మవిష్ణుశివాత్మికే ॥ ౧౦ ॥
వాగ్వాదిని నమస్తుభ్యం సర్వవిద్యాప్రదే నమః |
నమస్తే కులదేవేశ నమో నావ శంకరి || ౧౧ ||
అణిమాదిగుణాధారే జయ నీలాద్రిసన్నిభే ||
శంఖపద్మాది సంయుక్తే సిద్దిదే త్వాం భజామ్యహమ్ || ౧౨ ||
జయ త్వం వరభూషాంగి వరాంగీం త్వాం భజామ్యహమ్ ||
దేవీం వందే యోగివంద్యే జయ లోకవశంకరి || ౧౩ ||
సర్వాలంకారసంయుక్తే నమస్తుభ్యం నిధీశ్వరి |
సర్గపాలనసంహారహేతుభూతే సనాతని ॥ ౧౪ ||
జయ మాతంగతనయే జయ నీలోత్పలప్రభే |
భజే శక్రాది వంద్య త్వాం జయ త్వం భువనేశ్వరి || ౧౫ ||
జయత్వం సర్వభక్తానాం సకలాభీష్టదాయిని |
జయత్వం సర్వభక్తాంగీ భక్తా౭ శుభవినాశిని ॥ ౧౬ ||
మహావిద్యే నమస్తుభ్యం సిద్ధలక్ష్మి నమోస్తుతే |
బ్రహ్మవిష్ణుశివస్తుత్యే భక్తానాం సర్వకామదే || ౧౭ ||
మాతంగీశ్వరవంద్యే త్వాం ప్రసీద మమ సర్వదా |
ఇత్యేతచ్ఛ్యామలాస్తోత్రం సర్వకామసమృద్ధిదమ్ || ౧౮ ||
శుద్ధాత్మా ప్రజపేద్యస్తు నిత్యమేకాగ్రమానసః |
స లభేత్సకలాన్కామాన్ వశీకుర్యాజ్జగత్త్రయమ్ || ౧౯ ||
శీఘ్రం దాసా భవంత్యస్య దేవా యోగీశ్వరాదయః |
రంభోర్వశ్యాద్యప్సరసామవ్యయో మదినో భవేత్ || ౨౦ ||
నృపాశ్చ మర్త్యాః సర్వేఽస్య సదా దాసా భవంతి హి |
లభేదష్టగుణైశ్వర్యం దారిద్ర్యేణ విముచ్యతే || ౨౧ ||
శంఖాది నిధయోద్వార్థ్సాస్సాన్నిధ్యం పర్యుపాసతే |
వ్యాచష్టే సర్వశాస్త్రాణి సర్వవిద్యానిధిర్భవేత్ || ౨౨ ||
విముక్తః సకలాపద్భిః లభేత్సంపత్తి ముత్తమాం |
మహాపాపోపపాపౌఘైస్సశీఘ్రం ముచ్యతే నరః || ౨౩ ||
జాతిస్మరత్వమాప్నోతి బ్రహ్మజ్ఞానమనుత్తమమ్ |
సదాశివత్వమాప్నోతి సోంతే నాత్ర విచారణా || ౨౪ ||
ఇతి శ్రీ శ్యామలా స్తోత్రం సంపూర్ణం
